O noso grupo de “Voces de mulleres na Idade Media” organizou un seminario impartido pola Catedrática de Filologia Romanza de la Università degli Studi di Salerno, Charmaine Lee, que levou por título: “A tradición misóxina na Idade Media e os Fabliaux”. O evento tivo lugar o 5 de abril de 2016, na Facultade de Filoloxía da Universidade de Santiago de Compostela, e contou coa presenza dun importante número de doutorandos do programa de Estudos Medievais, así como alumnos do máster en Estudos Medievais Europeos: Imaxes, Textos e Contextos.
Os Fabliaux son unhas breves composicións de orixe francés, onde a voz da feminidade e a articulación retórica da muller ocupan un lugar destacado. Ch. Lee descubriu o modo en que estes personaxes se configuran nos entornos populares masculinos dos últimos séculos do medievo suscitando o interese por parte do público, que preguntou sobre algúns aspectos da misoxinia medieval que se ven reflectidos nestes textos satírico-cómicos.