O Prof. Marco Piccat, da Università degli Studi di Trieste, impartiu un seminario sobre “Las damas y las cortes de amor en el Norte de Italia“, dirixido a doutorandos y alumnos de máster, e recoñecido como actividade formativa para o Programa de Doutoramento de Estudos Medievais da USC.
No Norte de Italia a corte transformarase nun verdadeiro “teatro de traballo”, que acollía a trobadors occitanos na súa diáspora, durante e trala cruzada albixense. Os círculos dos marqueses de Montferrato, os condes de Savoia, os marqueses de Saluzzo convértense no século XIII en “cortes de amor”, lugares nos que se escoitaban as alabanzas ás damas, como imaxe suprema dun amor sublime. A disertación foi acompañada, ademais, dunha extensa serie de imaxes (moitas inéditas), recopiladas polo autor para o seu traballo .
O evento tivo lugar o 14 de decembro de 2017, no Salón de Graos da Facultade de Filoloxía, e contou coa participación activa dun grupo numeroso de interesados no ámbito medieval.