Slider

Tania Vázquez García

Equipo de trabajo

Tania Vázquez García é graduada en Linguas e Literaturas Modernas, no itinerario de Filoloxía Románica, coa mención de Premio Extraordinario, pola Universidade de Santiago de Compostela no ano 2015. Asistiu a diferentes cursos, congresos e actividades relacionados coa lingua, a literatura, a cultura e a historia da Idade Media que lle permiten complementar a súa formación e estudos universitarios. O seu Traballo de Fin de Grao, titulado Os xéneros dialogados na lírica románica medieval, recibiu a máxima cualificación e o IX Premio á Calidade Lingüística do Servizo de Normalización Lingüística da USC na área de Artes e Humanidades. Ademais, contou cunha Bolsa de Colaboración do Ministerio de Educación, Cultura e Deporte no Departamento de Filoloxía Galega (Área de Filoloxía Románica), co fin de realizar aproximacións á tenson e ao partimen nas diferentes tradicións líricas románicas. Actualmente, continúa a súa formación investigadora no ámbito da literatura medieval en linguas vernáculas, prestando especial atención ás trobairitz occitanas e á representación da muller na lírica galego-portuguesa. Participou con comunicacións en reunións científicas internacionais como: “La Autoría: reflexiones teóricas y análisis de las prácticas” (Universidade de Santiago de Compostela), “Congreso de nuevos investigadores SELGyC” (Universidad Autónoma de Madrid), “Locas: escritoras y personajes femeninos cuestionando las normas” (Universidad de Sevilla), “I Congreso Internacional de Nuevos Investigadores en Estudios Literarios y Culturales (Universidade de Vigo), “Workshop de Estudos Medievais” (Universidade do Porto), “Simposio de Estudios Medievales: retos de la investigación” (Universidad Complutense de Madrid) e no “XXVIII CILFR” (La Sapienza, Università di Roma). Algúns destes traballos xa foron publicados en editoriais de prestixio como ArCiBel.

Tania Vázquez García
Equipo de trabajo

Uso de cookies

Este sitio web utiliza cookies para que usted tenga la mejor experiencia de usuario, en cumplimiento del Real Decreto-ley 13/2012. Si continúa navegando está dando su consentimiento para su almacenamiento, así como acepta nuestra política de cookies.

ACEPTAR
Aviso de cookies